बिर्तमोड । अर्जुनधारा- ५ को देवभूमी बिद्यापीठले  ‘ देवभुमी गट ट्यालेन्ट २०८१’ कार्यक्रम सम्पन्न गरेको छ ।  बिद्यार्थीको अतिरिक्त क्षमता प्रस्फुटन गर्ने उदेश्यले कार्यक्रम सम्पन्न गरेको बिद्यालयले जनाएको हो । 

अध्ययनसँगै बिद्यार्थीलाई अतिरिक्त क्रियाकलापमा सहभागीता गराउँदै आएको देवभूमीले अभिभावकसहित बिर्तामोडमा ‘देवभुमी गट ट्यालेन्ट’ कार्यक्रम आयोजना गरेको थियो । बालबालिकामा रहेको अन्तरनिहित क्षमतालाई प्रस्फुटन गराउने उदेश्यले बिद्यालयले बिभिन्न अतिरिक्त क्रियाकलाप गराउदै आएको छ । 

कार्यक्रम अन्तरगत बिद्यार्थीहरुले नृत्य, गायन, अभिनय, अग्रेजीमा स्पीच, कराँते प्रस्तुती, कविता, उसु, चित्रकला, नेपाली वतृत्व, सो डान्सलगायतका बिधामा आ–आफ्नो प्रस्तुती राखेका थिए । कार्यक्रममा प्रथम  स्वप्निल चौहान, दोस्रो आलोक तिम्सिना र तेस्रो रिवान खतिवडा भएका छन् । पहिलो, दोस्रो र तेस्रो हुने बिद्यार्थीलाई सम्मानसहित ट्रफी प्रदान गरिएको थियो । 

बिद्यालयले अध्ययानसँगै बिद्यार्थीको क्षमता तथा नेतृत्व विकास गराउने उदेश्यले बिभिन्न बिधामा अतिरिक्त क्रियाकलाप गराउँदै आएको  संस्थापक तथा अध्यक्ष सुमन शर्मा जमरकट्टेलले जानकारी दिए । 

 जमरकट्टेलको अध्यक्षतामा भएकोे कार्यक्रममा गोमेन्द्र बहुमुखी महाबिद्यालयका प्रमुख डा रुपक खनालको प्रमुख आतिथ्यता रहेको थियो । बिद्यालयका प्रिन्सिपल सन्तोष पौडेलले स्वागत गरेको कार्यक्रमको सञ्चालन शिक्षक समिर नेपालले गरेका थिए ।

कार्यक्रममा प्याब्सन अर्जुनधारा नगर अध्यक्ष रुद्रप्रसाद सिटौला, अर्जुनधारा जेसीज अध्यक्ष बसन्त बुढाथोकी, प्याब्सन बिर्तामोड नगर अध्यक्ष उत्तम खनाल, नेल्टा झापाका प्रमुख सल्लाहकार धमेन्द्र भट्टराई  लगायतको आतिथ्य रहेको थियो ।

त्यसअघि शिक्षक तथा अभिभावक साथै कक्षा ५ देखि १० सम्मका बिद्यार्थीलाई पनि सकारात्मक उर्जा सम्बन्धी प्रशिक्षण प्रदान गरिएको थियो । मोटिभेसनल स्पीकर डा ताराप्रसाद गिरीले अभिभावक, शिक्षक र बिद्यार्थीलाई उत्प्रेरणा सम्बन्धी प्रशिक्षण दिएका थिए ।  

कक्षा नर्सरीदेखि १० सम्म अध्यापन हुने बिद्यालयमा ५२७ जना बिद्यार्थी अध्ययनरत रहेका छन् भने ४५ जना शिक्षक तथा कर्मचारी रहेको अध्यक्ष जमरकट्टेलले जानकारी दिए ।