बिर्तामोड । झापाको बिर्तामोडमा अहिले साँँझ ग्याङ फाइट भएको छ । केटी जिस्काएको निहुमा भएको ग्याङ फाइटमा एकजना घाइते भएका छन् ।
प्रहरीले घटनामा संलग्न तीनजनालाई पक्राउ गरेको जनाएको छ । पक्राउ पर्नेमा बिर्तामोड नगरपालिका- ५ बस्ने बर्ष अन्दाजी १८ को अरुण राई, बर्ष अन्दाजी १७ को सबिन तामाङ, वडा नम्बर ४ बस्ने बर्ष १३ को राकिब आलम रहेका छन् । पक्राउ पर्नेका साथबाट १ वटा फलाको कट्टी, १ वटा फलामको रडको रोल समेत नियन्त्रणमा लिएको छ ।
घटनामा बिर्तामोड नगरपालिका-६ बस्ने बर्ष ३७ को जागिर हुसेन घाईते भएका छन् । उनको मनमोहन अस्पताल बिर्तामोडमा उपचार भई रहेको छ । हुसेनको बाया खुट्टा, घाटी र टाउकोमा चोट लागेको छ । उनको अवस्था सामान्य रहेको छ ।
घटनामा अरु १०, १२ जना संलग्न रहेको भएपनि उनिहरु फरार रहेको तथा खोजतलास तिब्र पारिएको प्रहरीले जनाएको छ ।
_1723781421.gif)
