बिर्तामाेड । नेपाल कम्युनिष्ट पार्टी एकिकृत समाजवादी परित्याग गरी ३६ जना नेता कार्यकर्ताहरु नेकपा एमाले प्रवेश गरेका छन् । नेकपा एमाले जिल्ला पार्टी कार्यालयमा एक समाराेहकाे आयाेजना गरि नवप्रवेशीलाई स्वागत गरिएकाे थियाे ।
पार्टीका झापा जिल्ला अध्यक्ष प्रेम गिरीको अध्यक्षतामा भएकाे कार्यक्रममा समाजवादीकाे भातृ संस्था यूवा संघ नेपालका इन्चार्ज खगेन्द्र बारकोटी, जिल्ला अध्यक्ष सुनिल थापा, युवा संघका केन्द्रिय सदस्य राजन थापा लगायत ३६ जना सहित यूवा संघ नेपालको सिङो टिमले पार्टी प्रवेश गरेकाे जनाइएकाे छ।
नवप्रवेशीलाई महिला उद्यमी परिषदकी केन्द्रिय अध्यक्ष शोभा गुरुङ, जिल्ला अध्यक्ष गिरी, कार्यालय सचिव छबिलाल विश्वकर्मा, बिर्तामोड नगर कमिटीका अध्यक्ष सुवास भटराई लगायतले स्वागत गरेका थिए ।
_1723781421.gif)
