बिर्तामोड । नेपाली लभस्टोरी-एक्सनमा आधारित चलचित्र देववाणी देशभर प्रदर्शनमा आएको छ ।

निर्देशक बाबु साहेव बलामी निर्देशित देववाणी फिल्ममा कुन्दन भारद्वाज, अनुजा लेप्चा, सुनिल थापा, ध्रुव कोइराला, घनश्याम गिरी, रबिन्द्र झा, नन्दु श्रीवास्तव, मौसम पौडेल, प्रदीप ढकाल, लक्ष्मीनाथ तिमल्सिनाको अभिनय छ ।

मिना खड्का र हिराबहादुर लेप्चा फिल्मका निर्माता हुन् । अनुजा इन्टरटेनमेन्ट र मौसम फिल्म्स प्रोडक्सन हाउसले निर्माणमा सहकार्य गरेको फिल्मको कथा निराजन मेहता मन्जिलको हो । फिल्मको कार्यकारी निर्मातामा कुलमान लेप्चा छन् ।  श्री श्रेष्ठको द्वन्द्, हरिबहादुर घलेको छायांकन, रामजी लामिछाने र तेञ्जु योञ्जनको कोरियोग्राफी, मनोहर सुनामको संगीत र बन्दे प्रसादको सम्पादन फिल्ममा रहेको छ ।

नेपालको काठमाण्डो, बिरगञ्ज र भारतको राजस्तानमा छायांकन गरिएको फिल्मको नेपाली, हिन्दी र भोजपुरी भाषामा अनुवाद भएर प्रदर्शनमा आएको बिहीबार झापाको बिर्तामोडमा आयोजित पत्रकार सम्मेलनमा जानकारी दिइएको छ ।

बुधबार देशका ७० सिनेमा घरमा प्रदर्शनमा आएको चलचित्रले नेपाल र भारतमा दर्शकके साथ पाउने अपेक्षा निर्माण पक्षको रहेको छ ।