बिर्तामोड । नेकपा एमालेको महाधिवेसन प्रतिनिधि छनौटका लागि भएको निर्वाचनको मत गणनामा बिवाद भएपछि स्थगित भएको छ ।
बिर्तामोड-४ स्थित जिल्ला पार्टी कार्यालयमा भएको मतगणना स्थलमा बिवाद उत्पन्न भएपछि स्थगित भएको हो ।
११ औं महाधिवेशनमा सहभागि हुने प्रतिनिधि चयनका लागि प्रतिनिधि छनौट अन्तर्गत हिजो निर्वाचन भएको थियो ।
झापा क्षेत्र नम्बर २ अन्तर्गत बिर्तामोड-१ देखि ९, अर्जुनधारा नगरपालिका, कन्काई-८ र ९ र बुद्वशान्तिको १, २ र ३ नम्बर वडाको मतगणना जिल्ला पार्टी कार्यालयमा भईरहेको थियो ।
अर्जुनधाराका नगर प्रमुख बलदेब सिंह गोम्देन तामाङको नामबाट आएको सदर मतलाई बदर बनाएर गन्ति नगरेको बिषयमा त्यहा बिवाद उत्पन्न भएको हो । आज बिहान छलफल गरेर पुन गणना गर्ने सहमतिपछि मतगणना स्थगित गरिएको जनाइएको छ ।
_1723781421.gif)
