झापा । मुलुकभरका शिवालयमा हरितालिका तीज पर्व मनाउन थालिएको छ । तीजमा भगवान शिवकाे पूजा आरधना गरिन्छ । मुलुकभरका शिवालयमा बिहानैदेखि भक्तजनको भिड लागेको छ । 

आज व्रत बसेर शिव पार्वतीको पूजा, उपासना गर्ने धार्मिक प्रचलन छ । यसबाट पारिवारिक सुख, शान्ति र कल्याणको प्राप्ति हुने विश्वास छ । सत्ययुगमा आजैको दिन निराहार व्रत बसी पार्वतीले श्रीमहादेव स्वामी पाएकीले आजको दिनमा व्रत बस्दा मनोकामना पूरा हुने धार्मिक विश्वास छ।
कालीगढहरुले आज विश्वकर्माको पूजा आरधना गरेर विश्वकर्मा पूजा पर्व मनाउन लागेका छन् । कलकारखानामा विश्वकर्मा भगवानको मूर्ति वा तस्वीर राखेर विधिपूर्वक पूजा गरिन्छ । उनीहरुले आफ्ना औंजारकाे पूजा गर्छन् । आजको दिनलाई वास्तु दिवसको रुपमा पनि मनाइन्छ ।