बिर्तामाेड । झापाकाे हल्दीबारीमा आज बिहान भएकाे आगलागीमा परेर चारजना घाइएते भएका छन् । हल्दीवारी-४ ओली चौकका पुण्य प्रसादओलीको भान्साघरमा आगलागी हुँदा उनकाे परिवारका चारजना घाइते भएका हुन् ।
घाइते हुनेमा ओलीसहित उनका छाेरा सन्ताेष ओली, बुहारी अनिता ओली र कान्छाे छाेरा आर्यन ओली रहेकाे जिल्ला प्रहरी कार्यालय झापाले जनाएकाे छ ।
३ तले पक्की घरको दोस्रो तल्लामा रहेकाे भान्सा कोठामा रोटी पकाउने क्रममा ग्याँसबाट अचानक आगो सल्किन गई भान्सा कोठामा आगलागी भएकाे थियाे । आगाे निभाउने क्रममा उक्त घरका मानिसहरु घाईते भएका हुन् ।
उनीहरुलाई उपचारका लागि ओमसाई पाथीभारा अस्पताल भद्रपुर पठाइएकोमा थप उपचारको लागि बिराटनगर रिफर गरिएको प्रहरीले जनाएकाे छ ।
आगलागीबाट घरको भान्सा कोठामा मात्र आंशिक क्षेती भएको जनाइएकाे छ । आगलागीमा परेका पुन्यप्रसादकाे अवस्था मध्यम छ भने अरुकाे अवस्था सामान्य रहेकाे प्रहरीले जनाएकाे छ ।
_1723781421.gif)
