इलाम । नक्काली फेसबुक आईडी बनाएर महिलाको चरित्र हत्या गर्ने एक भारतीय नागरिक पक्राउ परेका छन् ।
सामाजिक सञ्जाल फेसबुकमा नक्कली आईडी बनाएर महिलाको चरित्र हत्या गर्ने व्यक्तिलाई इलाम प्रहरीले पक्राउ गरेको हो।
पक्राउ पर्ने देश भारतको आसाम राज्य, नगाँउ जिल्लाको कोलियावर सुलुङ ढोलपानी घर बताउने प्रशान्त दास रहेका छन ।
दासले फेसबुक आईडीबाट चिनजान भएका इलामको सुर्योदय नगरपालिका १ घर भएकी महिलाको फेसबुकबाट फोटो तानेर नक्कली फेसबुक आईडी बनाएर चरित्र हत्या गरेको प्रहरीले जनाएको छ ।
उनले यौनजन्य फोटोहरु समेत पठाउने गरेकोले प्रहरी चौकी फिक्कल इलामबाट खटिएको प्रहरीले सुर्योदय नगरपालिका १० फिक्कल चोकबाट पक्राउ गरेको हो ।
पक्राउ परेका दासबाट साथमा भएको Samsung galaxy m14 कम्पनी मोवाईल थान-१ समेत बरामद गरेको छ । दासमाथि बिद्युतीय कारोबार ऐन अन्तर्गत कारवाहि अघि बढाइएको प्रहरीले जनाएको छ ।
_1723781421.gif)
