बिर्तामोड । झापाको बिर्तामोडबाट प्रतिबन्धित लागू-औषधसहित अर्जुनधाराका दुईजना पक्राउ परेका छन् ।
गएराती अस्थायी प्रहरी बिट बिर्तामोड बसपार्कको टोलीले उनीहरूलाई पक्राउ गरेको हो ।
पक्राउ पर्नेमा अर्जुनधारा नगरपालिका-११ बस्ने मनिष प्रधान र सोही स्थानका बिरेन उराउ छन् ।
उनीहरुको साथबाट प्रतिबन्धित लागू-औषध ब्राउन सुगर १ ग्राम ७२० मिलिग्राम, नगद१९ हजार ६००, भारतीय रुपैयाँ ३७०, आइटेल कम्पनीको मोबाईल १ थान फेला परेको प्रहरीले जनाएको छ।
_1723781421.gif)
