दमक । दमकमा गाेठमा बाँधेकाे गाई चाेरेर काटिएकाे छ । गएराती नचिनेका मान्छेकाे समुहले दमक १ मा गाेठमा बाँधेकाे गाई काटेकाे हाे । घटनामा संलग्नहरुलाई खोजी गर्न प्रहरीलाई चौतर्फी दबाव बढेको छ ।
झापाको दमक १ स्थित खानेपानी ट्याङ्की टोल उत्तरको प्लटिङ एरियामा गाई काटिएपछि स्थानीय आक्रोसित भएका छन् ।
साेही स्थानका गङ्गाराम कोइरालाको गोठबाट एउटा माउ गाई चोरी गरेर करिब २ सय मिटर नजिकै प्लटिङको खाली जमिनमा बन्चरोले हानेर गाई मारेको पाइएको हो ।
घटनास्थलमा प्रहरी र जनप्रतिनिधि सहित स्थानीयहरु बिहानैदेखी ठूलो सङ्ख्यामा भेला भएका थिए । प्रारम्भिक अनुसन्धानमा हत्या गरी रगत र गर्धनकाे मासु काटेर लगेको अवस्थामा मृत गाई फेला परेको प्रहरीले जानकारी दिएको छ । घटनाबारे अनुसन्धान भैइरहेको इलाका प्रहरी कार्यालय दमकले जनाएको छ ।
नेपालमा गाई मार्न वर्जित छ ।
_1723781421.gif)
