दमक । मोरङको पथरीशनिश्चरे—७ स्थित लामाटोलीमा गएराति १५ बर्षिया युवतीको धारिलो हतियार प्रहार गरी हत्या भएको छ ।
आफन्तको घरमा बस्दै आएकी सन्जना भन्ने ज्ञानमति थुलुङ राईको हत्या भएको इलाका प्रहरी कार्यालय पथरीले जानकारी दिएकाे छ ।
राति करिव १० बजे ऐया भनेको आवाज आएपछि हेर्न जाँदा घाँटीमा धारिलो हतियार प्रहार भएर लडेको अवस्थामा फेला परेको उनका दाजु बिनोद राईले बताए । मृतक राईको शव घर र शौचालयको बीचमा फेला परेको प्रहरीले जनाएको छ ।
बिनोद ज्ञानमतिको मामाका छोरा हुन् । घट्नाबारे अनुसन्धान भइरहेको इलाका प्रहरी कार्यालय पथरीका प्रहरी निरीक्षक सुशिलकुमार पाण्डेले जानकारी दिए । घटना कसले र किन गरायो त्यसबारे खोजी सुरु गरिएको प्रहरीले जनाएको छ ।
