भद्रपुर । झापाको कचनकवलमा करेन्ट लागेर एक किशोरको मृत्यु भएको छ ।
कचनकवल गाउँपलिका-४ केचना वस्ने ललन साहका १५ बर्षका छोरा बिशालको करेन्ट लागेर मृत्यु भएको हो ।
टिनको छानो भएको घरको बराण्डामा बिद्युत सट भई शाहको मृत्यु भएको जिल्ला प्रहरी कार्यालय झापाले जनाएको छ । करेन्ट लागेर अचेत अवस्थामा फेला परेका उनलाई तत्काल उपचारको लागि प्राथमिक स्वास्थ्य केन्द्र बनियानी लगिएको थियो ।
उपचारका क्रममा डाक्टरले चेकजाँच गर्दा मृत्यु भइसकेको घोषणा गरेको प्रहरीले जनाएको छ ।
_1723781421.gif)
