बिर्तामोड । झापाको हल्दीबारीमा मोटरसाइकल र पिकअप ठक्कर खाँदा दुईजनाको मृत्यु भएको छ । 

हल्दीबारी गाउँपालिका-५ को हुलाकी मार्गमा भएको सवारी दुर्घटनामा दुईजनाको मृत्यु भएको हो।

राजगढबाट जलथलतर्फ आउँदै गरेको मे १ ज ३२६१ नम्बरको पिकअप गाडीले जलथलबाट राजगढतर्फ जाँदै गरेको मे ९ प ९६८५ नम्बरको मोटरसाइकललाई ठक्कर दिएको थियो।

मृत्यु हुनेमा हल्दीबारी गाउँपालिका-५ निवासी मोटरसाइकल चालक प्रेम प्रसाईं र सुनसरी वराहक्षेत्र–०६ प्रकाशपुर बस्ने २१ वर्षीय बिकेश कार्की रहेको जिल्ला ट्राफिक प्रहरी कार्यालय झापाले जनाएको छ । । दुर्घटनापछि उनीहरूको शव बिर्तामोड स्थित बी एण्ड सी अस्पतालको शव गृहमा राखिएको छ।

दुर्घटनामा गम्भीर घाइते भएका मोटरसाइकल चालक र सोही मोटरसाइकलमा सवार अर्का पुरुषलाई उपचारका लागि बिर्तामोड स्थित बी एण्ड सी अस्पताल पठाइएको थियो। चिकित्सकले उपचारको क्रममा ८ बजे दुबैजनालाई मृत घोषित गरेका थिए।

पिकअप चालक, झापा भद्रपुर नगरपालिका वडा नम्बर २ निवासी दिपेन राईलाई जिल्ला प्रहरी कार्यालय झापाले नियन्त्रणमा लिएको छ। सो सम्बन्धमा थप अनुसन्धान कार्य जारी रहेको प्रहरीले जनाएको छ।