पाँचथर । बिहीबार रातिबाट लगातार परिरहेको वर्षाको कारण पाँचथरका बिभिन्न स्थानमा पहिरोले पुरेर मृत्यु हुनेको संख्या ५ पुगेको छ । ४ जना बेपत्ता र एक घाइते रहेको जिल्ला प्रहरी कार्यालय पाँचथरले जनाएको छ ।
मृत्यु हुनेमा फिदिम १२ घर भइ फिदिम ४ मा बस्ने २४ वर्षिय सपना शेर्पा र उनको छोरी ५ वर्षिय डोल्मा शेर्पा, फिदिम ८ भोटेगाउँका वर्ष ८२ का पश्चिमा शेर्पा, फिदिम २ मजिटेकी वर्ष ३५ की रञ्जना राई र फिदिम १ दुमाका वर्ष ५५ का गोपी विश्वकर्मा मृत्यु भएका छ । घाइते हुनेमा मृतक रञ्जना राईका छोरा बिपन राई रहेका छन् । उनको उपचार जिल्ला अस्पताल पाँचथरमा भइरहेको छ ।
यस्तै, पहिरोमा परि कृष्ण दास, उनकी श्रीमती कमला दास, धनकुमार तुम्बापो, राजेश तुम्बापो उनको श्रीमती सरस्वति तुम्बापो बेपत्ता भएको प्रहरीले जानकारी दिएको छ । बेपताहरूको खोजि कार्य भइरहेको प्रहरिले जनाएको छ ।
_1723781421.gif)
