भद्रपुर । आज दिउँसाे झापाकाे कचनकवल-६ बनियानिको हुकाहुकी चोककाे त्यागी राजबंशी हाेटलमा आगलागी हुँदा ५ लाख ३० हजार रकम बराबरकाे भाैतिक सामग्री जलेर नष्ट भएकाे छ ।
आगलागीपछि उनकाे हाेटलमा रहेकाे ग्याँस सिलिण्डर बिस्फाेट भएकाे थियाे । बिस्फाेटबाट नजिक रहेका चारवटा अरु पसलमा क्षति भएकाे प्रहरीले जनाएकाे छ ।
सत्य नारायण र हेम नारायण राजवंशीको घरमा भाडा लिएर साेही स्थानका केशव राजवंशीले हाेटल संचालन गरेका थिए । उनकाे हाेटलमा अचानक आगलागी हुँदा र्याक, टेबल, ग्यास चुलो, होटेलका सरसमान लगायत जलेर पुर्ण रुपमा नष्ट भएकाे छ । उनकाे हाेटलमा ४ लाख बराबरकाे क्षति भएकाे प्रहरीले जनाएकाे छ ।
ग्याँस सिलिण्डर बिस्फाेट हुँदा साेही स्थानका झरेन्द्र कुमार पाैडेलले संचालन गरी रहेको निहारीका होटलमा आगलागी हुँदा भित्र राखिएकाे २ बोरा युरिया, फ्रीज लगायतका सामान जलेर नष्ट भएर अन्दाजी १ लाख बराबरकाे क्षति भएकाे छ । यसैगरी साेही स्थानमा रहेकाे सिम्रीक सहकारी संस्था र अमिला मेडिकलकाे सिसि क्यामेरामा क्षति भएकाे जनाईएकाे छ ।
आगलागी प्रहरी, स्थानीय मानिसहरु र भद्रपुर नगरपालिका वारुण यन्त्रको सहयोगमा एक घण्टापछि नियन्त्रणमा आएकाे प्रहरीले जनाएकाे छ ।
_1723781421.gif)
